Series tv n'asturianu

Namás que teneis que descargalos y amestar l'archivu de bloc de notes a reproductores que tengan esa opción como RealPlayer o VLC player .

CALCA EQUÍ PA DESCARGAR LOS SOTÍTULOS

Pos bien, pa enanchar la temática del espaciu n'asturianu de la rede, ufiertamosvos un FANSUB na nuesa llingua. Pa los que nun sepais lo que ye, equí va una curtia esplicación; trátase de sotitular vídeos, películes o series de televisión traducíos y sotitulaos por aficionaos a la so llingua llariega, nesti casu l'asturianu. L'envís d'esti "pasatiempu" ye poner al alcance de los aficionaos de ciertu idioma, aquelles series o películes que son abegoses d'algamar, principalmente porque entá nun aportaron a les televisiones del país en custión o nel nuesu casu por veninos dafechu en castellán.

Pel momentu namás que somos 2 usuarios y nun vamos poder llevar alantre'l proyeutu solos, asina que si quereis collaborar unviainos un corréu a series.tvast@gmail.com.

Lo primero que vamos xubir van ser los sotítulos del primer capítulu de la nueva temporada d'Heroes qu'entá nun se vió en nenguna tv del estáu. N'Asturies foi la TPA la qu'emitió esta serie con ciertu ésitu.